Fakulteti i Historisë dhe i Filologjisë i Universitetit të Tiranës, shpall konkursin për një vend pune për personel akademik me kohë të plotë, kategoria "Asistent - Lektor" pranë Departamentit të Arkeologjisë dhe Trashëgimisë Kulturore. 

Kriteret e Përgjithshme

Kandidatët që do të aplikojnë duhet të plotësojnë kriteret e mëposhtme:

• Të kenë zotësi të plotë për të vepruar.

• Të kenë përfunduar studimet Bachelor dhe Master i Shkencave ose diploma ekuivalente me të (dhe / ose DND), Dega: Arkeologji dhe Trashëgimi Kulturore.

• Të mos jenë dënuar me vendim të formës së prerë të gjykatës për kryerjen e një vepre penale me dashje.

• Të mos jetë marrë ndaj tyre masë disiplinore për largim nga puna.

Kriteret e Veçanta

• Preferohet të kenë përfunduar studimet në Fakultetin e Historisë dhe të Filologjisë, UT, ose në fakultete homolge brenda ose jashtë vendit.

• Të kenë notën mesatare 9 (nëntë) të ciklit të parë të studimeve Bachelor.

• Të kenë notën mesatare 9 (nëntë) të studimeve Master i Shkencave ose diploma ekuivalente me të (DIND dhe ose DND).

• Të kenë eksperienca pune në sistemin e Trashëgimisë Kulturore.

• Të zotërojnë me dëshmi, së paku, një prej pesë gjuhëve të huaja të Bashkimit Evropian: anglisht, frëngjisht, gjermanisht, italisht, spanjisht.

• Preferohet të kenë aftësi didaktike në mësimdhënie universitare.

• Të kenë aftësi bashkëpunimi në grupe kërkimore multidisiplinare.

Vlerësohen në mënyrë prioritare kandidatët që kanë:

• Pjesëmarrje me kumtesa në konferenca shkencore kombëtare dhe ndërkombëtare.

• Pjesëmarrje në projekte kërkimore-shkencore.

• Veprimtari të tjera akademike e shkencore dhe botime.

Dokumentacioni i Kërkuar

Kandidatët duhet të dorëzojnë dokumentet e mëposhtme, të cilat duhet të jenë origjinale ose fotokopje të vërtetuara me noteri:

• Curriculum vitae.

• Fotokopje e dokumentit të identitetit (letërnjoftim ose pasaportë).

• Certifikatë personale dhe certifikatë e gjendjes familjare.

• Dokument që vërteton përfundimin e nivelit arsimor (për diplomat e përfunduara jashtë vendit kërkohet dokumenti i njohjes sipas legjislacionit të arsimit të lartë).

• Listë notash të diplomave përkatëse (gjithashtu e shoqëruar me dokument njohjeje për studimet jashtë vendit).

• Certifikatat ose diplomat e kualifikimeve apo të specializimeve të lidhura me pozicionin e punës, nëse ka.

• Akti i dhënies së masës disiplinore, nëse ka.

• Dëshmi penaliteti dhe libreza e punës.

• Raporti i lëshuar nga komisioni mjeko-ligjor dhe konfirmimi për kryerjen e kontrollit mjekësor bazë (librezë shëdetësore dhe raport mjekësor për aftësi në punë).

• Çdo dokumentacion tjetër që vërteton plotësimin e kritereve të mësipërme.

Mënyra e Aplikimit dhe Afatet

• Periudha e Aplikimit: Dokumentet pranohen nga data 13.07.2026 deri më 24.07.2026.

• Vendi i Dorëzimit: Dokumentacioni dorëzohet në Degën e Burimeve Njerëzore dhe Protokoll Arkivit të FHF-së, UT.

• Procesi i Përzgjedhjes: Përzgjedhja e kandidatit fitues do të realizohet përmes konkurrimit me dosje dhe intervistës së drejtpërdrejtë.

Për njoftimin e plotë klikoni këtu...