Misioni dhe Formimi

Përgatitja e brezave të rinj të gjuhëtarëve, kërkuesve dhe mësuesve të gjuhës shqipe me kompetencë të lartë profesionale.

Mundësitë e Karrierës

• Përgatitja e mësuesve të gjuhës shqipe për arsimin e mesëm të ulët dhe të lartë, si dhe lektorë të gjuhës shqipe në universitete jashtë vendit.
• Formimi i kërkuesve shkencorë për qendrat e rëndësishme akademike albanologjike kombëtare dhe ndërkombëtare.
• Mundësi të shumta punësimi si redaktorë dhe korrektorë në fushën e medias, shtëpive botuese dhe administratës publike.
• Profilizim si terapist i gjuhës ose logoped, këshilltar i terminologjisë si dhe specialist në kompanitë e reklamave.

Ciklet e Studimit

Cikli I: Bachelor

• Bachelor në Gjuhë-Letërsi. Krijon bazën teorike dhe shkencore për studimet e mëtejshme albanologjike dhe pedagogjike.

Cikli II: Master

• Profesional ("Redaktori", "Mësuesi") dhe Master Shkencor ("Gjuhësi e Sotme", "Gjuhësi Historike") për specializim të thelluar.

Cikli III: Doktoratë

• Shkolla doktorale "Shkenca Humane, Albanologjike dhe Gjeografike" në nënfushën e Gjuhësisë, për kërkim të pavarur akademik.

Laboratori i Fonetikës

Qendra e parë e specializuar e fonetikës eksperimentale në Shqipëri, themeluar në vitin 2006 pranë Departamentit të Gjuhësisë. Aktiviteti përqendrohet në fushat e fonetikës, fonologjisë eksperimentale, fonotaktikës dhe sociofonetikës.