Në kuadër të programit Erasmus+, Universiteti i Tiranës njofton hapjen e thirrjes për aplikime për bursa mobiliteti për studentët në Universitetin Jan Kochanowski në Kielce, Poloni, për semestrin e dytë të vitit akademik 2026–2027.

Detajet kryesore mbi mobilitetin:

• Lloji i mobilitetit: Shkëmbim studentësh për studime
• Nivelet e studimit: Bachelor dhe Master
• Kohëzgjatja: 1 semestër
• Katalogu i lëndëve në anglisht: Katalogu i kurseve - UJK
• Informacion mbi universitetin: Informacion për studentët hyrës

Mbështetja financiare (Bursa):

Studentët përfitues nuk paguajnë asnjë tarifë shkollimi në universitetin pritës (vazhdojnë detyrimet e tyre pranë UT-së). Bursa përfshin:

• Kompensim mujor: 800 EUR / muaj
• Grant udhëtimi: Mbulim i kostos së udhëtimit në masën 275 EUR

Dokumentacioni i nevojshëm për aplikim:

Për studentët e nivelit Bachelor:

1. Curriculum Vitae (CV).
2. Kopje e Pasaportës.
3. Vërtetim studenti (në shqip dhe i përkthyer zyrtarisht në anglisht).
4. Listë notash (në shqip dhe e përkthyer zyrtarisht në anglisht).
5. Certifikatë e gjuhës së huaj (Anglisht B2).
6. Learning Agreement*.

Për studentët e nivelit Master:

1. Curriculum Vitae (CV).
2. Kopje e Pasaportës.
3. Vërtetim studenti (në shqip dhe i përkthyer zyrtarisht në anglisht).
4. Diplomë Bachelor.
5. Listë notash Bachelor (në shqip dhe e përkthyer zyrtarisht në anglisht).
6. Listë notash Master (në shqip dhe e përkthyer zyrtarisht në anglisht).
7. Certifikatë e gjuhës së huaj (Anglisht B2).
8. Learning Agreement*.

*Rreth Learning Agreement: Plotësohet vetëm seksioni i parë (Before the mobility). Firmoset nga aplikanti, koordinatori në departament, koordinatori akademik i fakultetit dhe më pas në Rektorat nga Koordinatori Institucional i Erasmus+. Lëndët e përzgjedhura duhet të përputhen me ato të semestrit të dytë në UT për të mundësuar njohjen e plotë të krediteve.

📄 Shkarko formatin e Learning Agreement për studime

Mënyra dhe afati i dorëzimit:

Dokumentet duhet të dorëzohen dorazi pranë Sektorit të Marrëdhënieve me Jashtë në Rektoratin e Universitetit të Tiranës, si dhe të dërgohen të skanuara me email

📅 Afati i fundit: 23 tetor 2026, ora 10:00

📩 E-mail: iro@unitir.edu.al