Fakulteti i Historisë dhe Filologjisë ofron shërbimin psikologjik  për mirëqënien  psikoemocionale dhe zhvillimin personal për studentët, duke ndihmuar në përballimin e vështirësive akademike, sociale dhe psikologjike gjatë periudhës së studimeve. Periudha studentore është një periudhë mjaft e bukur, por dhe e vështirë e shoqëruar me sfida dhe pasiguri. Ndryshimet madhore që studentët përjetojnë, si ato akademike, por edhe në sferën personale, si pavarësia, jetesa vetëm, shoqëria, marrëdhëniet, etj bëjnë që në momente të ndryshme mund të keni nevojë për mbështetje për të menaxhuar shqetësimet emocionale apo psikologjike.

Për çfarë mund të drejtohesh tek psikologu?

• Kur ke vështirësi me përshtatjen, mësimet, provimet, përqëndrimin, menaxhimin e kohës.
• Kur ndihesh i/e trishtuar, i/e izoluar, i/e shqetësuar, përjeton stres, ankth ose humbje motivimi.
• Kur përjeton sfida në marrëdhënien me familjen, shoqërinë, partnerin/en apo pedagogët
• Nëse po kalon ngjarje të rënda personale si traumë, humbje.
• Nevoja për rritje personale, qëllimet, karriera, njohja e vetes.

Shërbimi psikologjik:

Ofron këshillim dhe mbështetje psikologjike për studentët për:

• Ndihmon në menaxhimin e stresit, emocioneve dhe vështirësive akademike.
• Organizon aktivitete dhe trajnime për shëndetin mendor.
• Bashkëpunon me stafin për çështje që lidhen me mirëqënien e studentëve.
• Siguron konfidencialitet dhe një hapësirë të sigurt për diskutime.

Shërbimi është konfidencial për të gjithë studentët e regjistruar dhe ka si qëllim të krijojë një mjedis universitar të shëndetshëm dhe mbështetës.

Zyra e psikologut ndodhet në katin e parë ose mund të komunikoni për të caktuar takim përmes postës elektronike psikologu@fhf.edu.al

Këshilla për studentët: Stresi dhe ankthi para provimeve