Fakulteti i Historisë
dhe i Filologjisë

Universiteti i tiranës

Kreu
Fakulteti ▼
Departamentet ▼
Studentet ▼
Botimet ▼
- Studime Albanologjike
- Studime Gjeografike
Projekte ▼
- ALPAsEU
- Casoeual
- EduGame
- EXITINCULTWEB
- Geobiz
- Retrodrita
- WISE-EU
Newsroom ▼
Kontakt

Fakulteti i Historisë
dhe i Filologjisë

Universiteti i tiranës

“STUDIME ALBANOLOGJIKE” është një revistë shkencore e Fakultetit të Historisë dhe të Filologjisë, e themeluar në vitin 1996. Revista “STUDIME GJEOGRAFIKE” është një revistë kombëtare që boton punime kërkimore në fushën e Gjeografisë dhe në disiplina të tjera të përafërta.

Fakulteti i Historisë dhe i Filologjisë është një nga gjashtë fakultetet e Universitetit të Tiranës. Sot përbëhet nga gjashtë departamente, të cilat ushtrojnë aktivitetin e tyre studimor në fusha si Histori, Gjeografi, Gjuhësi, Letërsi, Gazetari dhe Komunikim, Arkeologji dhe Trashëgimi Kulturore. Fakulteti ofron programe studimore të të gjitha niveleve.

I integruar në Universitetin Shtetëror të Tiranës që nga krijimi i tij në vitin 1957, Fakulteti i Historisë dhe i Filologjisë sot ofron 6 programe studimi Bachelor, 13 programe të studimeve pasuniversitare Master i Shkencave dhe Master Profesional si edhe studime në nivelin doktoral.

Fakulteti ka në bazë të veprimtarisë së vet MENDIMIN SHKENCOR KRITIK në mbështetje të formimit pedagogjik dhe aktivitetit kërkimor. Aktivitetet akademike të promovuara nga departamentet synojnë të japin një kontribut të rëndësishëm në JETËN SOCIALE të vendit.

Stafi i Fakultetit tonë merr pjesë aktive në PROJEKTE KËRKIMORE në bashkëpunim dhe partneritet me kolegët e INSTITUCIONEVE TË HUAJA KËRKIMORE.

Fakulteti i Historisë dhe i Filologjisë ka si objektiv parësor përgatitjen e mësuesve, gazetarëve, studiuesve të historisë, të arkeologjisë, të trashëgimisë kulturore, të gjuhës dhe të letërsisë, të gjeografisë, të medias dhe komunikimit, nëpërmjet programeve dhe kërkimit shkencor.

Broshura Informative

Njoftime

12.5.2026

Vizitë studimore nga studentët e Adam Mickiewicz University, Poloni

Në ambientet e Fakultetit të Historisë dhw të Fiëologjisë u zhvillua një vizitë studimore nga studentët e Adam Mickiewicz University, një prej universiteteve më prestigjioze në Poloni, me seli në qytetin e Poznań. Studentët vinin nga programe të ndryshme studimore, ndër të cilat përfshiheshin edhe disa programe të ngjashme me ato të fakultetit tonë.

Të shoqëruar nga koordinatorët përkatës, ata u pritën në ambientet e fakultetit nga dekani Prof.Dr. Mark Marku, i cili u uroi mirëseardhjen. Dekani prezantoi programet e studimit, aktivitetet akademike dhe mundësitë e bashkëpunimit ndëruniversitar, duke i ftuar studentët të bëhen pjesë e programeve të shkëmbimit Erasmus+.

Gjatë vizitës, studentët u njohën nga afër me ambientet e fakultetit, bibliotekën, sallat dhe disa prej laboratorëve.

Takime të tilla kanë një rëndësi të veçantë për forcimin e bashkëpunimit ndërkombëtar, shkëmbimin e eksperiencave studentore, si dhe krijimin e lidhjeve të reja mes studentëve dhe institucioneve universitare.