Fakulteti i Historisë
dhe i Filologjisë

Universiteti i tiranës

Kreu
Fakulteti ▼
Departamentet ▼
Studentet ▼
Botimet ▼
- Studime Albanologjike
- Studime Gjeografike
Projekte ▼
- ALPAsEU
- Casoeual
- EduGame
- EXITINCULTWEB
- Geobiz
- Retrodrita
- WISE-EU
Newsroom ▼
Kontakt

Fakulteti i Historisë
dhe i Filologjisë

Universiteti i tiranës

“STUDIME ALBANOLOGJIKE” është një revistë shkencore e Fakultetit të Historisë dhe të Filologjisë, e themeluar në vitin 1996. Revista “STUDIME GJEOGRAFIKE” është një revistë kombëtare që boton punime kërkimore në fushën e Gjeografisë dhe në disiplina të tjera të përafërta.

Fakulteti i Historisë dhe i Filologjisë është një nga gjashtë fakultetet e Universitetit të Tiranës. Sot përbëhet nga gjashtë departamente, të cilat ushtrojnë aktivitetin e tyre studimor në fusha si Histori, Gjeografi, Gjuhësi, Letërsi, Gazetari dhe Komunikim, Arkeologji dhe Trashëgimi Kulturore. Fakulteti ofron programe studimore të të gjitha niveleve.

I integruar në Universitetin Shtetëror të Tiranës që nga krijimi i tij në vitin 1957, Fakulteti i Historisë dhe i Filologjisë sot ofron 6 programe studimi Bachelor, 13 programe të studimeve pasuniversitare Master i Shkencave dhe Master Profesional si edhe studime në nivelin doktoral.

Fakulteti ka në bazë të veprimtarisë së vet MENDIMIN SHKENCOR KRITIK në mbështetje të formimit pedagogjik dhe aktivitetit kërkimor. Aktivitetet akademike të promovuara nga departamentet synojnë të japin një kontribut të rëndësishëm në JETËN SOCIALE të vendit.

Stafi i Fakultetit tonë merr pjesë aktive në PROJEKTE KËRKIMORE në bashkëpunim dhe partneritet me kolegët e INSTITUCIONEVE TË HUAJA KËRKIMORE.

Fakulteti i Historisë dhe i Filologjisë ka si objektiv parësor përgatitjen e mësuesve, gazetarëve, studiuesve të historisë, të arkeologjisë, të trashëgimisë kulturore, të gjuhës dhe të letërsisë, të gjeografisë, të medias dhe komunikimit, nëpërmjet programeve dhe kërkimit shkencor.

Broshura Informative

Njoftime

5.7.2026

Mbi mundësinë e aplikimit për një bursë prestigjioze ofruar Chevening British Library Fellowship

Universiteti i Tiranës është njoftuar nga Ambasada e Mbretërisë së Bashkuar në Tiranë mbi mundësinë e aplikimit për Chevening British Library Fellowship, një bursë prestigjioze e ofruar nga British Library, në bashkëpunim me UK Foreign, Commonwealth and Development Office (FCDO).

Kjo bursë u drejtohet profesionistëve në mes të karrierës, studiuesve dhe akademikëve të interesuar për të kontribuar në kërkimin dhe interpretimin e koleksioneve historike dhe kulturore të British Library.

Bursa parashikon një qëndrim 12-mujor pranë British Library dhe mbulon shpenzimet e jetesës, biletën vajtje-ardhje, pagesa për aktivitete të lidhura me bursën, si dhe deri në 1,000 £ për shpenzime të miratuara në kuadër të projektit.

Chevening Southeast Europe British Library Fellowship synon përmirësimin dhe pasurimin e të dhënave për koleksionet e Evropës Juglindore, kontributin kërkimor mbi këto koleksione, si dhe krijimin e udhëzuesve të qasshëm për studiuesit dhe publikun e gjerë.

Vendet e pranueshme për aplikim përfshijnë: Shqipërinë, Bosnje dhe Hercegovinën, Kosovën, Moldavinë, Malin e Zi, Maqedoninë e Veriut, Serbinë dhe Turqinë.

Duke qenë se kjo mundësi mund të jetë me interes për personelin akademik dhe studiuesit e njësisë suaj, lutemi të shpërndahet ky informacion pranë departamenteve dhe stafit akademik përkatës.

Për më shumë informacion dhe për të aplikuar, lutemi klikoni në linkun e mëposhtëm:

https://www.chevening.org/fellowship/chevening-southeast-europe-british-library-fellowship/

Afati i aplikimit 15 maj 2026.

Më të fundit

Nuk ka asnjë njoftim në kategorinë Erasmus+ .