Në Departamentin e Gjuhësisë përgatiten gjuhëtarë, studiues të cilët punojnë në qendra të rëndësishme akademike, por edhe si lektorë të gjuhës shqipe në shumë universitete jashtë vendit. Këtu përgatiten mësuesit e gjuhës shqipe në ciklin e mesëm të ulët dhe të lartë me nivel cilësor për të përcjellë te nxënësit dijet mbi gjuhën me kompetencë të lartë profesionale.
Një diplomë në gjuhësi krijon gjithashtu mundësi punësimi si: redaktor, korrektor në fushën e medias dhe të botimeve, të administratës publike; terapist i gjuhës apo logoped (me një specializim plotësues), këshilltar për gjuhën në profesione të tilla ku lipset përvetësimi i gjuhës shqipe dhe i terminologjisë përkatëse, specialist i gjuhës në kompanitë e reklamave etj.
Një diplomë në Gjuhësi mund të përdoret gjithashtu si një pikënisje e sigurt për studime pasuniversitare.