Niveli i parë i studimeve (Bachelor) orientohet drejt profesioneve të gazetarisë në mediat masive, siç janë shtypi, radio dhe televizioni, por edhe në mediat e konverguara të lajmit online si dhe në profesionet e reja në mediat sociale dhe në platformat e uebit. (Rregullore Bachelor)

Niveli i dytë i studimeve (Master i Shkencave) orientohet drejt profesioneve të kërkuara në treg si menaxher mediash, specialist marketingu në media dhe në ueb, specialist marrëdhëniesh me publikun apo menaxhues i komunikimit ndërkulturor dhe mediator konfliktesh dhe krizash.
Krahas këtyre, në tetor 2021, në bashkëpunim me Leicester Media School, De Montfort University, të Mbretërisë së Bashkuar, fillon edhe programi Master Profesional për Gazetari Investigative, i financuar nga USAID dhe Ambasada Britanike në Tiranë.

Në ciklin e tretë të studimeve (Doktoraturë) ofrohen dy drejtime kryesore studimi: Komunikim dhe informim dhe Komunikim dhe informim masiv.