Përgjatë gjithë javës së parë të procesit mësimor, 7-11 tetor, cdo ditë me dhjetëra e qindra studentë të 5 cikleve të studimit të nivelit Bachelor në FHF – UT janë njohur nga afër me të gjitha njesitë mbështetëse dhe stafin ndihmës, duke marrë informacionin orientues rreth shërbimeve të tjera që ofrohen nga Fakulteti.

Orientimi në këtë mjedis të ri sic është Universiteti mbart edhe sfida dhe vështirësi për studentët e rinj. Për të lehtësuar këtë ambjentim sa më të shpejtë, periudha e dedikuar ndaj Orientimit është zgjatur përgjatë gjithë javës, njëkohësisht duke treguar kujdes për të mos humbur asnjë ditë lëksionet dhe seminaret.

Studentët janë njohur me shërbimin e Sekretarisë Mësimore, shërbimin e Bibliotekës së Fakultetit, shërbimet IT për studentët, shërbimin që ofron zyra e Këshillimit të Karrierës, si edhe gjuhët e huaja të diversifikuara që ofrohen në bashkëpunim me FGJH.  Aktivitetet e “Javës së Informimit” shërbyen jo vetëm si orientim për të njohur të gjitha strukturat e Fakultetit, por edhe për t’u uruar studentëve mirëseardhjen në fakultetin tonë.