Shkolla verore organizohet nga Departamenti i Historisë i Fakultetit të Historisë e të Filologjisë, me mbështetjen e Ambasadës së Greqisë në Tiranë, Fondacionit Alexander S. Onassis dhe National Bank οf Greece Cultural Foundation, dy ndër institucionet kulturore më prestigjioze ndërkombëtare për zhvillimin e Letrave, Artit dhe Shkencës.

Të pranishëm në ceremoninë e hapjes ishin Dekani i Fakultetit të Historisë e të Filologjisë, prof. dr. Sabri Laçi, Ambasadorja e Greqisë në Tiranë, Shkëlqesia e saj, znj. Sophia Philippidou, Zëvendësdekani dr. Andi Pinari, Shefja e Departamentit të Historisë, prof. dr. Valentina Duka, Profesor Agamemnon Tselikas, autoritet botëror në Paleografi dhe Bizantologji, pedagog Andi Rembeci, Drejtor Shkencor i Shkollës Verore, kolegë nga Departamenti i Historisë dhe 40 studentët pjesëmarrës në këtë shkollë verore.

Falënderime dhe mirënjohje për autoritetet drejtuese dhe të gjitha strukturat e Fakultetit të Historisë dhe të Filologjisë si dhe për institucionet mbështetëse, që me kontributin e tyre bënë të mundur realizimin e ciklit të 6-të të shkollës verore për studentët tanë.

Rrugëtim të mbarë dhe suksese studentëve pjesëmarrës!