Në këto rrethana të pazakonta, më 23 prill do të jemi bashkë në një takim online të ndryshëm nga vitet e tjera. Komunikimi i përbashkët artistik në Ditën Botërore të Librit është dëshmi e kreativitetit të studentëve tanë e njëherësh ajo përmasë shpirtërore që e zvogëlon distancimin social.

Ftojmë studentët e Degës së Gjuhës dhe të Letërsisë Shqipe, të cikleve Bachelor, Master Profesional, Master Shkencor, të jenë pjesë e FESTIVALI I KRIJIMIT LETRAR, 23 prill 2020. Ky është edicioni i katërt i këtij festivali, tashmë të kthyer në një festë letrare për të gjithë studentët tanë.

Studentët e interesuar të dërgojnë vetëm një krijim letrar në format word bashkëngjitur e-mailit të tyre. Krahas krijimit (me titull), e-maili të përmbajë gjithashtu emrin dhe mbiemrin e tyre dhe vitin e studimeve që ndjekin. Mirëpresim krijime në dy zhanre: poezi – jo më shumë se dy faqe dhe prozë – jo më shumë se 2 faqe.

Krijimet të dërgohen në adresën e emailit belfiore.qose@fhf.edu.al

Afati i fundit për dërgimin e krijimeve është data 21 prill 2020, ora 12:00.

Studentët do të lexojnë apo interpretojnë vetë krijimet e tyre gjatë festivalit.

Dita e Librit është Dita e Studentëve! Suksese!