Në kuadër të programit Erasmus+, Universiteti i Tiranës njofton hapjen e thirrjes për aplikime për bursa mobiliteti për studime për studentët e nivelit Bachelor, për të zhvilluar semestrin e dytë të vitit akademik 2026–2027 pranë Universitetit të Granadës në Spanjë.

Detajet e Mobilitetit

• Universiteti pritës: Universiteti i Granadës (Spanjë) [http://www.ugr.university/]

• Lloji i mobilitetit: Shkëmbim studentësh për studime

• Niveli i aplikimit: Bachelor

• Kohëzgjatja: 1 semestër

• Katalogu i programeve / lëndëve: Konsultoni ofertën akademike KËTU.

Mbështetja Financiare dhe Tarifat

• Bursa mujore: 800 EUR/muaj;

• Kompensimi i udhëtimit: Mbulohet në varësi të distancës (e llogaritur përmes Kalkulatorit të Distancës së BE-së):

• Tarifat e shkollimit: Studentët përfitues përjashtohen nga çdo tarifë shkollimi në universitetin pritës (vazhdojnë të paguajnë vetëm tarifat e zakonshme të studimit/regjistrimit në UT).

Dokumentet e Nevojshme për Aplikim

1. CV (në gjuhën angleze ose spanjolle, në varësi të gjuhës së programit të shkëmbimit);

2. Kopje e pasaportës;

3. Vërtetim studenti (në shqip dhe i përkthyer zyrtarisht në anglisht ose spanjisht);

4. Listë notash (në shqip dhe e përkthyer zyrtarisht në anglisht ose spanjisht);

5. Letër Motivimi (në gjuhën angleze ose spanjolle);

6. Certifikatë e gjuhës së huaj (Anglisht ose Spanjisht). Për listën e certifikatave të pranuara nga UGR, referojuni

   këtij dokumenti
   ;

7. Learning Agreement:

   • Shënim: Dokumenti përcakton lëndët që do të ndiqni në universitetin pritës (Tabela A) dhe njohjen e tyre në UT (Tabela B). Aplikanti duhet të plotësojë seksionin "Before the mobility" me lëndë të përafërta me semestrin e dytë në UT. Dokumenti firmoset nga aplikanti, koordinatori i departamentit, koordinatori akademik i fakultetit dhe në Rektorat nga Koordinatori Institucional i Erasmus+.

   • Formati i "Learning Agreement" mund të shkarkohet KËTU.

Procedura dhe Afati i Aplikimit

Aplikantët duhet të dorëzojnë dosjen e plotë të dokumenteve:

• Fizikisht (dorazi): Në Rektoratin e Universitetit të Tiranës, Sektori i Marrëdhënieve me Jashtë;

• Elektronikisht: Të skanuara në e-mail-in: iro@unitir.edu.al.

Afati i fundit për aplikim: 24 Nëntor 2026, ora 10:00.

Për pyetje apo sqarime shtesë, mund të kontaktoni në: iro@unitir.edu.al.

Universiteti i Tiranës ju uron suksese në aplikimin tuaj!