Fakulteti i Historisë
dhe i Filologjisë

Universiteti i tiranës

Kreu
Fakulteti ▼
Departamentet ▼
Studentet ▼
Projekte ▼
- ALPAsEU
- EduGame
- Casoeual
- Geobiz
Newsroom ▼
Kontakt

Fakulteti i Historisë
dhe i Filologjisë

Universiteti i tiranës

Fakulteti i Historisë dhe i Filologjisë është një nga gjashtë fakultetet e Universitetit të Tiranës. Sot përbëhet nga gjashtë departamente, të cilat ushtrojnë aktivitetin e tyre studimor në fusha si Histori, Gjeografi, Gjuhësi, Letërsi, Gazetari dhe Komunikim, Arkeologji dhe Trashëgimi Kulturore. Fakulteti ofron programe studimore të të gjitha niveleve.

I integruar në Universitetin Shtetëror të Tiranës që nga krijimi i tij në vitin 1957, Fakulteti i Historisë dhe i Filologjisë sot ofron 6 programe studimi Bachelor, 13 programe të studimeve pasuniversitare Master i Shkencave dhe Master Profesional si edhe studime në nivelin doktoral.

Fakulteti ka në bazë të veprimtarisë së vet MENDIMIN SHKENCOR KRITIK në mbështetje të formimit pedagogjik dhe aktivitetit kërkimor. Aktivitetet akademike të promovuara nga departamentet synojnë të japin një kontribut të rëndësishëm në JETËN SOCIALE të vendit.

Stafi i Fakultetit tonë merr pjesë aktive në PROJEKTE KËRKIMORE në bashkëpunim dhe partneritet me kolegët e INSTITUCIONEVE TË HUAJA KËRKIMORE.

Fakulteti i Historisë dhe i Filologjisë ka si objektiv parësor përgatitjen e mësuesve, gazetarëve, studiuesve të historisë, të arkeologjisë, të trashëgimisë kulturore, të gjuhës dhe të letërsisë, të gjeografisë, të medias dhe komunikimit, nëpërmjet programeve dhe kërkimit shkencor.

Broshura Informative

Njoftime

17.10.2025

FHF: Fituesit e programit të studimit “Master i Shkencave”, viti akademik 2025-2026

Njoftojmë fituesit e programit të studimit “Master i Shkencave” të paraqiten pranë Sekretarisë për të kryer regjistrimin përfundimtar. Regjistrimi do të kryhet nga vetë studenti, me një dokument identifikimi dhe mandatin e pagesës së regjistrimit, sipas një grafiku të caktuar:

Më datë 20.10.2025 do të kryhet regjistrimi i fituesve të degëve Gjuhësi e Sotme, Gjuhësi historike, Letërsi.
Më datë 21.10.2025 do të kryhet regjistrimi i fituesve të degëve Histori, Marrëdhënie Ndërkombëtare.
Më datë 22.10.2025 do të kryhet regjistrimi i fituesve të degëve Arkeologji, Trashëgimi Kulturore, Gjeografi.
Më datë 23.10.2025 do të kryhet regjistrimi i fituesve të degës Menaxhim i Komunikimit Masiv (numri rendor 1-30).
Më datë 24.10.2025 do të kryhet regjistrimi i fituesve të degës Menaxhim i Komunikimit Masiv (numri rendor 31-43).