Në kuadër të programit Erasmus+, Universiteti i Tiranës njofton hapjen e thirrjes së dytë për aplikime për bursa mobiliteti për studentët e të gjitha cikleve të studimit (Bachelor, Master dhe Doktoraturë), për të zhvilluar semestrin e dytë të vitit akademik 2026–2027 pranë Universitetit Hitit në Turqi.

Detajet e Mobilitetit

• Universiteti pritës: Universiteti Hitit (Turqi) [https://hitit.edu.tr/en]

• Nivelet e aplikimit: Bachelor, Master dhe Doktoraturë (PhD)

• Kohëzgjatja: 1 semestër (Semestri nis më 08 Shkurt 2027)

• Fushat e studimit: Shkenca Sociale, Marrëdhënie Ndërkombëtare

• Katalogu i lëndëve: Konsultoni ofertën akademike KËTU.

Kritere Shtesë për Mesataren (GPA)

• Niveli Bachelor: Mesatare minimale GPA 2.20 / 4.00 (ose e kuptueshme me të);

• Nivelit Master & PhD: Mesatare minimale GPA 2.50 / 4.00 (ose e kuptueshme me të).

Mbështetja Financiare dhe Tarifat

• Bursa: Kompensim mujor dhe mbulim i kostove të udhëtimit (në varësi të distancës midis universitetit origjinës dhe atij pritës):

Për llogaritjen e distancës, referojuni Kalkulatorit të Distancës së BE-së.

• Tarifat e shkollimit: Studentët përfitues förjashtohen nga çdo tarifë shkollimi në universitetin pritës (vazhdojnë të paguajnë vetëm tarifat e zakonshme të studimit/regjistrimit në UT).

Dokumentet e Nevojshme për Aplikim

1. CV (në gjuhën angleze ose turke);

2. Foto biometrike;

3. Kopje e kartës së identitetit (ID);

4. Kopje e pasaportës;

5. Vërtetim studenti (në shqip dhe i përkthyer zyrtarisht në anglisht/turqisht);

6. Listë notash (në shqip dhe e përkthyer zyrtarisht në anglisht/turqisht; studentët Master dhe PhD duhet të dërgojnë edhe listat e notave të cikleve të mëparshme);

7. Letër Motivimi (në gjuhën angleze ose turke);

8. Certifikatë e gjuhës së huaj (minimalisht niveli B1 në anglisht ose turqisht);

9. Formulari i aplikimit (Application Form): Shkarko KËTU;

10. Learning Agreement (Shkarko formatin KËTU).

    • Shënim: Dokumenti përcakton lëndët që do të ndiqni në universitetin pritës (Tabela A) dhe njohjen e tyre në UT (Tabela B). Aplikanti duhet të plotësojë seksionin "Before the mobility" me lëndët e semestrit të dytë. Dokumenti firmoset nga aplikanti, koordinatori i departamentit, koordinatori i fakultetit dhe në Rektorat nga Koordinatori Institucional i Erasmus+.

Procedura dhe Afati i Aplikimit

Aplikantët duhet të dorëzojnë dosjen e plotë të dokumenteve:

• Fizikisht (dorazi): Në Rektoratin e Universitetit të Tiranës, Sektori i Marrëdhënieve me Jashtë;

• Elektronikisht: Të skanuara përmes e-mail-it në adresën: iro@unitir.edu.al.

Afati i fundit për aplikim: 23 Nëntor 2026, ora 10:00.

Për pyetje apo sqarime shtesë, mund të kontaktoni në: iro@unitir.edu.al.

Universiteti i Tiranës ju uron suksese në aplikimin tuaj!