Fakulteti i Historisë
dhe i Filologjisë

Universiteti i tiranës

Kreu
Fakulteti ▼
Departamentet ▼
Studentet ▼
Botimet ▼
- Studime Albanologjike
- Studime Gjeografike
Projekte ▼
- ALPAsEU
- Casoeual
- EduGame
- EXITINCULTWEB
- Geobiz
- Retrodrita
- WISE-EU
Newsroom ▼
Kontakt

Fakulteti i Historisë
dhe i Filologjisë

Universiteti i tiranës

“STUDIME ALBANOLOGJIKE” është një revistë shkencore e Fakultetit të Historisë dhe të Filologjisë, e themeluar në vitin 1996. Revista “STUDIME GJEOGRAFIKE” është një revistë kombëtare që boton punime kërkimore në fushën e Gjeografisë dhe në disiplina të tjera të përafërta.

Fakulteti i Historisë dhe i Filologjisë është një nga gjashtë fakultetet e Universitetit të Tiranës. Sot përbëhet nga gjashtë departamente, të cilat ushtrojnë aktivitetin e tyre studimor në fusha si Histori, Gjeografi, Gjuhësi, Letërsi, Gazetari dhe Komunikim, Arkeologji dhe Trashëgimi Kulturore. Fakulteti ofron programe studimore të të gjitha niveleve.

I integruar në Universitetin Shtetëror të Tiranës që nga krijimi i tij në vitin 1957, Fakulteti i Historisë dhe i Filologjisë sot ofron 6 programe studimi Bachelor, 13 programe të studimeve pasuniversitare Master i Shkencave dhe Master Profesional si edhe studime në nivelin doktoral.

Fakulteti ka në bazë të veprimtarisë së vet MENDIMIN SHKENCOR KRITIK në mbështetje të formimit pedagogjik dhe aktivitetit kërkimor. Aktivitetet akademike të promovuara nga departamentet synojnë të japin një kontribut të rëndësishëm në JETËN SOCIALE të vendit.

Stafi i Fakultetit tonë merr pjesë aktive në PROJEKTE KËRKIMORE në bashkëpunim dhe partneritet me kolegët e INSTITUCIONEVE TË HUAJA KËRKIMORE.

Fakulteti i Historisë dhe i Filologjisë ka si objektiv parësor përgatitjen e mësuesve, gazetarëve, studiuesve të historisë, të arkeologjisë, të trashëgimisë kulturore, të gjuhës dhe të letërsisë, të gjeografisë, të medias dhe komunikimit, nëpërmjet programeve dhe kërkimit shkencor.

Broshura Informative

Njoftime

8.5.2026

Mbi Seminaret verore të gjuhës, letërsisë dhe kulturës bullgare për vitin 2026

Ministria e Arsimit informon mbi seminaret verore të gjuhës letërsisë dhe kulturës bullgare për vitin 2026, ku për Republikën e Shqipërisë janë parashikuar 3 kuota:

1 kuotë pranë Universitetit të Sofjes St. Kliment Ohridski, për periudhën 12-31 korrik 2026;
2 kuota pranë Universitetit Veliko Tarnovo St. Kiril dhe Metodi, për periudhën 12 korrik - 1 gusht 2026.

Pala bullgare mbulon shpenzimet e akomodimit, ushqimin dhe programin arsimor-kulturor, ndërsa shpenzimet e udhëtimit dhe sigurimit shëndetësor mbulohen nga vetë pjesëmarrësit.

Afati për aplikim është data 10 maj 2026 dhe kryhet në adresën: embassy.tirana@mfa.bg

Universiteti i Tiranës ju uron suksese!

Më të fundit